Kung ika’y isang programmer lalo na pag naghahabol ng deadlines (ba’t nga pala kaya tinawag na ‘deadline’ kung may extensions naman), malamang isa kang kagaya kong magmumura na lang sa gitna ng kalamidad este katahimikan at kaseryosohan sa opisina, mapa-sariling kumpanya man o kliyente KAPAG may aakalain mong bibiruin ka ng computer mo ng isang mahiwagang mensahe: “Error: No attribute cherva ek ek”. Juicemio. Mapapa-fotek na walang hininga akooooooo sa kaka-research, kaka-forum-hopping ng mga solutions at kung ano pang pwedeng mapagkunan ng kasagutan kung bakit may isang fotek na error itong ginagawa ko.

 Sya nga pala, salamat at may mga pantanggal tensyon. Iyan yung bibigla akong tatayo, lalabas ng opisina, kukunin ang protractor at susukatin kung ilang degrees na ang shadow na ginuguhit ng araw katabi ng isang poste ng ilaw. Oo, gusto ko nang umuwi. Yun lang ang magiging solution pagkatapos ko i-burnout lahat ng calories ng brain cells ko kaka-troubleshoot ng linchek na ‘to. Buti kung maiisip ko pa kung ano ang lulutuin ko mamayang hapunan. Sana nga lang, kagaya sya ng mga dating errors na konting chibug lang ng kamote para mautot na pwedeng ikamatay ni Lola sa katabing kwarto ko eh dun na masosolve ang problema. Pero hindeeeeeeeee.

Ok, ok. Saan nagkaka-error. Syempre pag nag-sasave ako ng record. Kinakausap ko na nga sarili ko at hindi lang ako nag-iisa. Malamang nung nagninilay-nilay si Rizal kung paano nya tatapusin ang El Filibusterismo, madalas din syang mag-monologue na walang audience kundi ang mga langgam na walang ginawa kundi pagdiskitahan ang kanyang biskwit. Baliw na kung baliw pero wala akong pakialam. Malaking pera ito para sa lintchek kong amo pag natapos. Oo sa kanya lang. Asa pa ako.